Mkuu wa Mkoa wa Mbeya Amos Makalla ametengua AMRI ya kuvifungia viwanda
vidogo 28 vya kukoboa mpunga eneo la Sido iliyotolewa na jiji la Mbeya
kupitia idara ya mazingira sababu ya kuvifungia viwanda hivyo zikielezwa
kuwa ni mlundikano wa pumba katika maeneo hayo
Uamuzi wa kutengua amri hiyo ametoa leo kwenye ziara ya kutembelea ofisi
ya Sido Mkoa na kisha kutembelea karakana ya sido, viwanda vidogo vya
uzindikaji na ukamuaji mafuta ya alizeti na viwanda vya kukoboa mipunga
eneo la sido na hapo ndipo alipokutana na umati wa wananchi wakiomba
msaada wake kwakuwa viwanda hivyo vimebeba ajira ya watu zaidi ya 2000
Baada ya kuwasikiliza wananchi hao alitangaza kutengua amri hiyo kwa
kuwa kuvifunga viwanda hivyo kutafanya mchele kuadimika na bei itapanda
na si jambo jema hasa kipindi hiki cha mfungo wa mwezi mtukufu
Pili ametengua amri hiyo ikizingatia kuna ajira zaidi ya watu 2000 .
"Kwa amri hii ya kufunga ukoboaji hivi Hawa watu 2000 wanakwenda wapi?
Kama si kurudi mtaani na kwa vijana ni hatari. Hii kauli ya hapa kazi tu
kwa Hawa watu 2000 wataifanyia wapi?"
Ameagiza Mkuu wa wilaya, jiji , jumuiya ya wakoboaji washirikiane na
uongozi wa Mbeya cement ambao ndiyo watumiaji wa pumba hizo kuongeza
uwezo wa kusomba pumba hizo
Akiwa eneo la Sido magari ya Mbeya cement yaliendelea kusomba pumba na
wamemuhaidi Mkuu wa mkoa ndani ya wiki mbili pumba zote zitakuwa
zimesombwa
