Jeshi la Polisi kikosi cha Usalama barabarani limewataka hili watumiaji wa vyombo vya moto

ILI UPATE HABARI ZETU KWA URAHISI BOFYA HAPA KUINSTAL APPLICATION YA MZALENDO HURU KWENYE SIMU YAKO

Jeshi la Polisi kikosi cha Usalama barabarani limewataka watumiaji wa vyombo vya moto hususan waendesha bodaboda kufuata sheria za usalama barabarani pamoja na kujiepusha na matumizi mabaya ya vyombo hivyo ikiwemo kufanyia uhalifu hasa katika kipindi hiki cha kuelekea mwisho wa mwaka.

Mkuu wa Kikosi cha Usalama barabarani DCP Mohamed Mpinga akizungumza wakati wa Ufungaji mafunzo ya waendesha bodaboda 1200 yaliyokuwa yakitolewa na chuo cha ufundi Polisi – Kurasini amesema kutokana na mafunzo hayo wanatarajia kuwa na mabadiliko makubwa ya utii wa sheria za usalama barabarani lakini pia kutojihusisha na Uhalifu kwa wahitimu hao.

Akizungumza kwa niaba ya Mkuu wa Mkoa wa DSM Paul Makonda, Mkuu wa wilaya ya Temeke Felix Lyaniva amewataka waendesha bodaboda kushirikiana na jeshi la polisi katika kupiga vita uhalifu wa kutumia silaha ,kwa kuwabaini wahusika lakini pia akiwashauri kujiunga na mifuko jamii hasa katika kipindi ambacho mwonekano mpya utaanza kuonekana kuanzia mwezi januari baada ya kuweka utaratibu maalum wa kutambulika kila bodaboda katika jiji la dsm.

ILI UPATE HABARI ZETU KWA URAHISI BOFYA HAPA KUINSTAL APPLICATION YA MZALENDO HURU KWENYE SIMU YAKO