Snura azungumzia maamuzi ya serikali kuhusu video mpya ya ‘Chura’, na maana halisi ya chura

ILI UPATE HABARI ZETU KWA URAHISI BOFYA HAPA KUINSTAL APPLICATION YA MZALENDO HURU KWENYE SIMU YAKO

Waziri wa Habari, Utamaduni, Sanaa na Michezo, Nape Nnauye ameruhusu wimbo na video mpya ya wimbo wa mwanamuziki, Snura Anthony Mushi ‘Snura’  ‘Chura’ kuchezwa katika vituo vya redio na runinga baada ya msanii huyo kufanya marekebisho na kukubaliwa na wizara.
Akizungumza na waandishi wa habari leo asubuhi katika ukumbi wa Maisha Basement, Snura amesema kuwa video hyo imeruhusiwa kutoka kutokana na makubaliano waliyoyafanya tangu alipofungiwa kua kama anataka wimbo huo uchezwe basi aufanyie marekebisho.
Aidha, akieleza maana ya neno chura katika wimbo wake, amesema kuwa chura anayemzungumzia yeye ni mwanamke ambaye hajatulia katika mahusiano na kuwa ana tanga tanga kwa wanaume mbalimbali.

Katika barua ya Waziri Nape, amemuonya Snura kutorudia tena kufanya video au kuimba kitu ambacho kipo kinyuma na maadili ya Tanzania. ILI UPATE HABARI ZETU KWA URAHISI BOFYA HAPA KUINSTAL APPLICATION YA MZALENDO HURU KWENYE SIMU YAKO